తప్పతాగి పడుకున్నా ఆ ప్లేస్ తెలియాలి.. తేడా వస్తే అవతలి వాడు.. పూరి జగన్నాథ్ భలే చెప్పాడే!!

గత కొన్ని రోజులుగా పోడ్‌కాస్ట్ ఆడియోలతో పూరిజగన్నాథ్ తన అభిప్రాయాలను అందరితో పంచుకుంటున్న సంగతి తెలిసిందే. జీవితం, బుక్స్, డబ్బు, హోదా, మనీ, సెక్స్ ఇలా అన్ని అంశాలపై రియాక్ట్ అవుతున్న ఆయన ఇప్పటికే ఎన్నో ఆడియో సందేశాలతో ఆలోచనలు రేకెత్తించారు. ఈ క్రమంలోనే తాజాగా మరో ఆడియోతో యువతలో ఉత్సాహం ఉరకలెత్తే మెసేజ్ ఇచ్చారు. 'ఎండ్ టు మైండ్' అంటూ ముందు ముగింపు ఏంటో తెలుసుకున్నాకే ప్రయత్నం మొదలు పెట్టాలని చెప్పారు. మరి పూరి చెప్పిన విషయాలు ఆయన మాటల్లోనే చూద్దామా.. ''లైఫ్‌లో సక్సెస్ ఊరికే రాదు.. గొప్పోల్లందరిలో కొన్ని క్వాలిటీస్ ఉంటాయి. అందులో ఒకటి 'ఎండ్ ఇన్ మైండ్'. ఏ పనైనా ముగింపును మైండ్‌లో పెట్టుకొని మొదలు పెట్టడం. ఫ్రీమ్ బిగ్.. థింక్ బిగ్.. నీ కెపాసిటీ దాటి ఆలోచించు. కలగను.. కానీ నీ గోల్ పట్ల చాలా నిజాయితీగా ఉండు. ఆ తర్వాత డిజైన్ చేయి. ఏం చేయాలి? ఎలా చేస్తే టార్గెట్ రీచ్ కాగలం? అనేది ప్లాన్ చెయ్. ఎక్కడ నువ్వు ఎండ్ చేయాలనుకుంటున్నావో తెలిస్తే మిగిలిన విషయాల్లో క్లారిటీ వస్తుంది. అప్పుడే చేస్తున్న పని సమర్ధవంతంగా ఎలా పూర్తి చేయాలో తెలుస్తుంది. నీ గోల్ రీచ్ కావడం కోసం బెస్ట్ రూట్ రెడీ అవుతుంది. Also Read: గోల్ పట్ల చాలా క్లారిటీగా ఉండండి. విజయవాడ వెళ్లడం నీ గమ్యం అని ఫిక్సయ్యావంటే.. కారులో వెళతావా.. లిఫ్ట్ అడుగుతావా లేక నడుచుకుంటూ వెళతావా? అనేది నీ ఇష్టం. కానీ ఏ ఊరు వెళుతున్నామో తెలియకుండా ప్రయాణం స్టార్ట్ చేయొద్దు. చాలా మంది చేసే పొరపాటు ఇదే. ముందు బయల్దేరతారు. ఎక్కడికో తెలియదు. తర్వాత గాలికి కొట్టుకెళ్ళి ఎక్కడో ఆగుతారు. అప్పుడే ఓ అమ్మాయో అబ్బాయో మీకు పరిచయం అయ్యారు. చాలా ఇంట్రెస్టింగ్‌గా ఉన్నారు. కొన్నాళ్ళు ఈ మనిషితో నేను ట్రావెల్ అవుతానేమో అని మీకు అనిపించినప్పుడు వాళ్ళతో ఎండ్ ఎలా ఉండొచ్చో ఊహించండి. ఎండ్ మైండ్‌లో పెట్టుకొని ఆ మనిషితో ట్రావెల్ కండి. అలా చేస్తే ఆ రిలేషన్‌ని ఇంకా బెటర్‌గా డీల్ చేస్తారు. అలర్ట్‌గా లేకపోతే మధ్యలో ఎప్పుడో తెలుస్తుంది మీ పార్ట్‌నర్‌కి మెంటల్ అని. అప్పుడు కంటిన్యూ కావాలా? వదిలేయాలా అర్థం కాదు. అందుకే తేడా వస్తే అవతలి వ్యక్తి మిమ్మల్ని మాక్సిమం ఎంత డామేజ్ చేయగలడో మీకో ఐడియా ఉండాలి. Also Read: మీ కెరీర్ అయినా, రిలేషన్ అయినా ముందుగా ఎండ్ చూసేయాలి. అలాగే ప్రతి రోజు నువ్వు చేసే పనుల్లో నీకో క్లారిటీ ఉండాలి. ఒకవేళ ఆ రోజు తప్పతాగి పడుకునే కార్యక్రమం ఏదైనా పెట్టుకున్నా ఆ ప్లేస్ కూడా నీకు తెలియాలి. ఎక్కడో రోడ్డు మీద ఎండ్ కాకూడదు. అలాగే కథ రాసేటపుడు కూడా అంతే.. ముందు క్లైమాక్ రాసి ఆ తర్వాత స్టోరీ మొదలుపెట్టండి. 'ఎండ్ ఇన్ మైండ్' ప్రతి దానికీ వాడొచ్చు'' అంటూ లాజిక్స్ చెప్పారు .

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31omfqe