పెళ్లి తర్వాత జోష్ మరింత పెరిగింది. పెళ్లికి ముందు టాలీవుడ్ స్టార్ హీరోయిన్‌గా వెండితెరపై సత్తా చాటిన సామ్.. నాగ చైతన్యను పెళ్ళాడి అక్కినేని వారింట అడుగుపెట్టాక వినూత్న ఆలోచనలు చేస్తూ దూకుడుగా ముందుకెళ్తోంది. కేవలం సినిమాల్లోనే గాక సామాజిక పరమైన అంశాల్లోనూ యాక్టివ్‌గా ఉంటూ సినిమాయేతర రంగాల్లోనూ రాణించేలా అడుగులేస్తోంది. ఇప్పటికే ప్ర‌త్యూష అనే స్వ‌చ్చంద సంస్థ ద్వారా ఎంతోమంది చిన్నారుల‌కు అండ‌గా నిలుస్తున్న సమంత త్వ‌ర‌లో అదే చిన్నారుల కోసం ప్రీ స్కూల్ ప్రారంభించ‌బోతుంది. తన స్నేహితులు ఫ్యాషన్ డిజైనర్ శిల్పా రెడ్డితో పాటు ప్ర‌ముఖ విద్యావేత్త ముక్తా ఖురానాతో కలిసి 'ఏకం' లెర్నింగ్ సెంటర్‌ని స్టార్ట్ చేయనున్నట్లు ప్రకటించింది ఈ అక్కినేని కోడలు. విద్యా విధానంలో సరికొత్త ఆవిష్కరణలు తీసుకొస్తూ చిన్నారుల నైపుణ్యం మెరుగు పర్చాలనే ఉద్ధేశంతో తాను ఈ రంగంలోకి అడుగుపెడుతున్నానని అంటోంది సమంత. హైదరాబాద్ జూబ్లీ హిల్స్‌లో ప్రారంభం కానున్న ఈ స్కూల్ లాక్‌డౌన్ రాకుంటే ఇప్పటికే స్టార్ట్ అయ్యేది. అయితే త్వరలోనే స్కూల్స్ ప్రారంభానికి అనుమతులు రాబోతున్నట్లు తెలుస్తున్న నేపథ్యంలో వస్తున్నా వచ్చేస్తున్నా అంటూ ట్విట్టర్ ద్వారా సందేశం పోస్ట్ చేసింది సామ్. Also Read: ''తల్లిదండ్రులను శక్తివంతం చేస్తూ ఈ పరీక్షా సమయంలో పిల్లలకు సరైన విజ్ఞానాన్ని అందించడమే లక్ష్యంగా మా ఈ కొత్త ప్రయత్నం'' అని పేర్కొంటూ తన స్నేహితులతో కలిసి దిగిన పిక్ షేర్ చేసింది సమంత. స్పోర్ట్స్, ఈవెంట్స్, స్టడీ ఇలా అన్ని కోణాల్లో పిల్లలను ట్రైన్ చేసేలా ఈ స్కూల్ ప్రారంభం కానుంది. సమంత న్యూ స్టెప్, అదీ చిన్నారుల విజ్ఞానం కోసం అని తెలిసి తెలుగు ప్రేక్షకులు ఆమెకు ఆల్ ది బెస్ట్ చెబుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2CXcMNp
Comments
Post a Comment